ငါရို့ တိမှာ အနာဂတ် ဟိရေ ...
အမှောင်မိုက်ဆုံး
အနိမ့်ကျဆုံး
အမွန်းကျပ်ဆုံး ခေတ်ဆိုးတစ်ခုမှာ လူးလိမ့်နိန်ရကေလဲ
ငါရို့ တိမှာ အနာဂတ်တစ်ခု ဟိသိမ့်ရေ။
နှစ်ပေါင်း(၅၀၀၀)ကျော် လူမျိုးတစ်မျိုး ဇာတိမာန်စွာ
နှစ်(၂၀၀) ကျော်နန့်  ညိုးမှိန်ပျောက်ကွယ်လားလီဖို့ မထင်ကေ့
ငါရို့ တိမှာ လုံးဝလောင်းရိပ်မိ မခံရသိမ့်ရေ ရက္ခိတနှလုံးသားစစ်စစ်တိ ဟိသိမ့်ရေ
မီလောင်ပြာကျပုံထဲက အမျိုးသားအလံတော်ကို ပြန်ပနာ လွင့်ထူဖို့ 
ဖိုးဖီးဇူဇာတော်ရို့  ဝိညာဉ်တံတိုင်းကြီးတိ ဟိသိမ့်ရေ
ဇာခါမှ သတ်လို့ သီလီဖို့ မဟုတ်တေ သမိုင်းတိထဲမှာ
သွီးနန့် ဆက်ပခရေ လက်စွာ အခိုင်မြဲဆုံး
ငါရို့ တိစွာ မဆုံးနိူင်သိမ့်ရေ လမ်းအတွက်လည်း ဆက်လျှောက်ဖို့  အာသီသတိ ဟိနိန်ကတ်တေ
ဟုတ်တေ ငါရို့ တိမှာ အနာဂတ်တစ်ခု ဟိသိမ့်ရေ။
တန်ရာတန်ကျေးနန့်  တူးဆွစိုက်ပျိုးရဖို့  ဥယျာဉ်သစ်တစ်ခုအတွက်
ငါ့ရို့ တိမှာ ချွေးတိ လိုရေ
ငါရို့ တိမှာ အချိန်နာရီတိ လိုရေ
ငါရို့ တိမှာ ပေါက်တူး၊ ခေါင်းဒလာ၊ သံဒရွင်းတိ လိုရေ
ပြီးကေ ငါရို့ တိမှာ ညီညီညာညာနန့် တိကျပြတ်သားမှုတိလိုရေ
ယင်းပိုင်ဆိုကေ ငါရို့ ဥယျာဉ်စွာ မရှင်သန်လာစရာ အကြောင်းမဟိ
ငါရို့ တိမှာ သေသျှာခမ်းနားရေ အနာဂတ်သစ်တစ်ခု ဟိသိမ့်ရေ။
ငါရို့ တိ ဇာသူ့ ဘားမှာလဲ အလံလှဲ ဒူးထောက်စရာ အကြောင်းမဟိ
ငါရို့ တိ ဇာသူ့ ရို့ ဘားမှာလဲ ဝါးမျိုခံ စတေးပစ်စရာ အကြောင်မဟိ
ငါရို့ တိ ဇာသူ့ စကားတစ်ခွန်းကြောင့်လဲ ငိုကြွီး စိတ်ပျက်နိန်စရာ အကြောင်းမဟိ
ငါရို့ တိမှာ ငါရို့ အနာဂတ်ကို ဆုပ်ကိုင်ဖို့  လက်ချောင်းတိ ဟိရေ
ငါရို့ သမိုင်းကို မောင်းနှင်ဖို့  မျိုးဆက်သစ်တိ ဟိရေ
ငါရို့ မြီကို ကာကွယ်ဖို့  စစ်မှန်ရေ အမျိုးသားဇာတိမာန်တိ ဟိရေ
ငါရို့ ဇာသူ့ ကိုမှလည်း အားကိုးနိန်စရာ အကြောင်းမဟိ
ငါရို့ တိမှာ ငါရို့ ပိုင်ရေ အနာဂတ်တစ်ခု ဒေနိထိ ဟိနိန်သိမ့်ရေ။
ခိုင်ရမ္မာ
(၃၀၊၀၅၊၂၀၁၃) မိုးထ ၁၂း၂၅၊ စင်္ကာပူ
No comments:
Post a Comment