ပြက္ခဒိန် တစ်ချပ် နိဂုံး ပ။
လီရူး ခြီသံတိ ပိုကြားလာရရေ
သက္ကရာဇ်သစ်တစ်ခု စတင်မွီးဖွားချိန်
ချွဲချွဲစိုနိန်ရေ လမ်းမတိ
အိုးမဲသုတ်ခံထားရရေ အပျိုမချေတိ
ကောင်းကင်ရေ နွီနန့် နီမင်းကို သူ့ အလှအဖြစ်ခြယ်သထားရေ။
ပင်အိုတိကြားထဲ ရွက်သီဆည်းဆာတိ အနိဌာရုံပြန့် ကြဲ
အသဲကွဲနိန်ရေ ငှက်မဲမဲတစ်ကောင်လဲ ရင်ကိုဖြဲပနာ လူးလွန့် နိန်လီရေ။
ဘုရား တရား သံဃာ
ဗုဒ္ဓဘာသာ၏(ရဲ့) အမွန်မြတ်ဆုံး ရတနာ
ဘုရား ပုထိုး စေတီနား သက်ဝင်ယုံကြည်မှုပုံရိပ်တိ တိုးဝှိ့ ပြွတ်သိပ်လို့  ဟိနိန်ကတ်တေ
ယင်း နိူင်ငံရာသီထဲမှာ လေ။
"ဗြုန်း"ဆိုကေနန့်  ကောင်းကင်တိ မဲမှောင်လားရေ
တူးပို့ တူးပို့ ဂီတနန့် တတူ
ဧပြီဧ့(ရဲ့) စစဦးချင်း မျက်ရည်
ငါရို့ တိကိုကျ
မြီပြင်ကိုကျ
သက်ဟိ သက်မဲ့တိုင်းကိုကျ
အပူတိ လျှော့ချဖို့ ဆိုရေ အကြောင်းပြချက်နန့် လတ်။
ယင်းချင့်မှာ ပွဲတော်စွာ တွီဝီမိန့် မော
ကြက်သီသီလားရေ တနားချေ ဝသန္တ။
နောက်တစ်နိ မိုးထစစော
ပင်လုံးပြည့် ကမ္ဘာကြီးထက် အဝါရောင်ကောင်မချေတစ်ယောက် အလည်ရောက်
လူတကာရို့ နှလုံးသားစွာ သူ့ မျက်လွှာအောက် ပြားပြားမှောက် မူးယစ်လို့ 
အလှတိနန့်  ချိုင်နှောင်ပစ်တေ
ရနံ့ တိနန့်  ချိုင်နှောင်ပစ်တေ
သစ္စာတရားတိနန့်  ချိုင်နှောင်ပစ်တေ။
သူ မထွက်လားခင် အချိန်ထိ
ချွဲချွဲစိုနိန်ရေ လမ်းမတိ
အိုးမဲသုတ်ခံထားရရေ အပျိုမချေတိ
ပင်ခြောက်အိုထက်က အသဲကွဲ ငှက်မဲမဲချေတိ
နွီဧ့(ရဲ့) ကောင်းချီးသြဘာ သံဝါသတိကို တစ်မိနစ်ခန့်  ငြိမ်သက်သတိရ
နောက်တစ်နှစ်ကျမှ ပြန်ဆုံကတ်ဖို့ ဆိုပနာ လက်ပြနှုတ်ဆက် ထွက်ခွာလားခလီရေ။
ခိုင်ရမ္မာ(၁၈၊၀၅၊၂၀၁၃)
