Saturday 12 April 2014

ရဲဘော် ... သို့ 

ရဲဘော် ...
သမိုင်းသစ်ကို ဆက်ရွှီးဖို့ အနာဂတ်အတွက်
ငါရို့ တိမှာ အင်အားလိုရေ
ငါရို့ တိမှာ ညီညွတ်မှုလိုရေ
ငါရို့ တိမှာ မဟာဗျူဟာတိလိုရေ။

ရဲဘော် ...
သပိတ်ဖက်တေ လက်တိ
ဘောပင်ကိုင်ရေ လက်တိ
ဆရိန်းကိုင်ရေ လက်တိ
ပန်းတိမ်ခွပ်တေ လက်တိ
ထွန်းတုံးကိုင်ရေလက်တိ
ယိုင်းလွဲရေ လက်တိ
သမိုင်းက တောင်းဆိုလာကေ
ယင်းလက်တိ ကိုယ်စီစွာ
မီးတောက်မီးပွား ထွန်းတောက်ကတ်ရရေ မလား။

ရဲဘော် ...
မှောင်မိုက်နိန်ရေ ရာစုနှစ် (၂) ခု ကျော် အတွက်
ငါရို့ တိမှာ တောက်တချက်ခေါက်ခွင့်မဟိလား
ယမ်းတချက် ဖောက်ခွင့်မဟိလား
ညီညီညာညာနန့်  အမျိုးသားရေး တေးခြင်းတစ်ပုဒ် ဆိုခွင့်မဟိလား
ငါရို့ သမိုင်း ဗီဇတိကို စိတ်ကြိုက် တူးဆွ တမ်းတခွင့် မဟိလား
ငါရို့ ဖိုးဖီးအမွီအနှစ်တိကို တချို့ တစ ယူငင်သုံးစွဲပိုင်ခွင့် မဟိလား
ငါရို့ စွာ ခြီထောက်ပါယင့်သားနန့် လားခွင့်မရရေ လူတိ
ငါရို့ တိစွာ ပါးစပ်ပါယင့်သားနန့် ပြောခွင့် မဟိရေ လူတိ
ယင်းပိုင်ဆိုကေ ငါရို့ ပိုင်ဆိုင်ခြင်းတိစွာ ဇာလဲ
ငါရို့ ဘဝစွာ ဇာမှာလဲ။

ရဲဘော် ...
အဖသွီးစစ်တေ အလံတော်ကြီးတစ်ခုအောက်မှာ
ငါရို့ အနာဂတ်ကို ငါရို့ ပြန်ရှာဖွီကတ်မေ
ငါရို့ ဖိုးဖီဇူဇာ အမွီဖြစ်တေ အိမ်ကြီးရခိုင်ကို ပြန်ပနာ ပနက်ချကတ်မေ
ငါရို့ ချွေးရင်းရဖို့ 
ငါရို့ သွီးရင်းရဖို့ 
ငါရို့  ဘဝတိ ရင်းရဖို့ ။

ရဲဘော် ...
ငါရို့ သမိုင်းစာမျက်နှာသစ် အတွက်
လူ့ အရင်းအမြစ်တိ လိုရေ
ပညာအင်အားတိ လိုရေ
ဓနအင်အားတိ လိုရေ
ညီညွတ်မှုအင်အားတိ လိုရေ
မျိုးချစ်အင်အားတိ လိုရေ
ဘဝ ဘဝတိ လိုရေ
ပြီးကေ ဝန်းရံ ပံ့ပိုး တိုက်ပွဲဝင်မှုတိလဲ လိုရေ။

ရဲဘော် ...
အာရုဏ်မတက်ခင်
အဖအလံတော်ကြီးအောက်မှာ
ညာသံပီး လမ်းလျှောက်ချီတက်သံတိ ငါကြားယောင်လာနိန်မိရေ။

ခိုင်ရမ္မာ(၁၀/၀၄/၂၀၁၄)

======== * ရက္ခိုင့်တပ်မတော် (၅) နှစ်မြောက် တပ်မတော်နိ့ * .... သို့  =========

Saturday 18 January 2014

ဇီရိုးဖိုက် ဆစ်စတီးနိုင်း (05-69)

သွီးတူရေ မြစ်တိ ဆုံလာရေ ရွာတစ်ရွာ
လပျိုကြီးတိ ပေါရေ
Engineerတိ ပေါရေ
အသံကျယ်ကျယ်နန့် ပင်လယ်စကားတိပြော
ပင်လယ်စာ လတ်လတ်နန့်
အပူအစပ်တိ နိန်တိုင်းချက်စားကတ်တေ နိန်ရာ။

အားလပ်ချိန်ဆိုကေ
ယင်းရွာရေ လွတ်လပ်တေ ရခိုင်နိူင်ငံဖြစ်တေ
ရခိုင်စကားတိ ဆူညံ
ရခိုင်သခြင်းတိ ပျံ့လွင့်
ရခိုင်အစားအစာတိ ဗုန်းဘောလအော
ရခိုင့်ဇာတိမာန်တိလည်း တငွိ့ငွိ့ထွက်လို့ဟိရေ။

မိုးလင်းယာ ဆိုကေ
ယင်းရွာချေက ဝိညာည်တိစွာ
ရခိုင်ပြည်ကို ဝင်ရောက်ကတ်တေ
နိူင်ငံတကာကို ဝင်မွှီကတ်တေ
စင်္ကာပူမှာ ပြီးလွှားကတ်တေ
သင်းကွဲငှက် တစ်အုပ် ပျံသံစွာ
တဖုန်းဖုန်း တဖပ်ဖပ်
ဇာခရီး ဇာအဝီးထိလဲ မပြောနိူင်။

ယင်းငှက်တိစွာ မျိုးစစ်တေငှက်တိ
ဆိုက်ဘီးရီးယားငှက်
ဖီးနစ်ငှက်
အောက်ချင်းငှက်
ဒေါင်းရန်ငှက်
တောင်ပံတိကိုဖြန့်လို့ ဝဲလို့
ကောင်းကင်စွာ သူ့ရို့ စီးချင်းထိုးဖို့ တလင်းပြင်။

ယင်း သွီးတူရေ မြစ်တိဆုံလာရေ ရွာချေ
သမိုင်းသစ်အတွက် ကဗျည်းအက္ခရာတစ်ခု ဖြစ်လောက်တေ
အဝီးရောက် ဆိုက်ဘီးရီးယားတိ အတွက် မီးပြတိုက်တစ်ခု ဖြစ်လောက်တေ
မဟာသမ္မတအရှုံးအတွက် ထွက်ပေါက်တစ်ခု ဖြစ်လောက်တေ
အလင်းရောင်ကို ထွန်းညှိဖို့ မီးစတစ်ခု ဖြစ်လောက်တေ
လွတ်လပ်လုံခြူံ မှုကို ပီးနိူင်ဖို့ မျိုးစိတစ်စိ ဖြစ်လောက်တေ
ယင်းရွာချေစွာ အမြင့်ပျံငှက်တိ ခိုဝင်ရပ်နားရေ အရပ်
ဆူလို့ ညံလို့ 
ခမ်းလို့ နားလို့ 
သန့် လို့ ယှင်းလို့ 
နွီးနွီးထွီးနွီး ဟြှင်သန်နိန်ရေ ရွာတစ်ရွာ။

11/01/2014

Tuesday 27 August 2013

မပြည့်စုံမှုတိ များလွန်းရေ ဘဝမှာ

မပြည့်စုံမှုတိ များလွန်းရေ ဘဝမှာ
ရောင့်ရဲတင်းတိန်ခြင်းဆိုစွာ 
ဒဏ်ရာ တစ်ခု ဖြစ်နိန်ဖို့လား
မျိုးရိုးဗီဇနန့် ပြောင်းပြန်အချိုးကျရေ
ဝပ်တွားခယခြင်း အတတ်ပညာ
ပြည်ပဖြစ်လို့ ထပ်ကွင်းမောင်းကွင်းချေနန့်မလား
နေ့တဓူဝ အလိုမကျမှုတိက 
ရီတခွန်ပိုင် ဒလဟောစီဆင်း
ယင်းမြစ်စွာ ... ဇာထိအောင်လဲ ဝေ

ခုနှစ်သက္ကရာဇ်တိက
ထောင်ခြံတိပိုင် တစ်ထပ်ပြီးကေ တစ်ထပ်
ဇာတ်တူသား ဝံလက်တိ
မဲတူးနိန်ရေ ကျကန်းတိ
ဒေါင်းတောင်တိ တကိုယ်လုံးနန့် ငှက်ဇာတ်ပျက်တိ
ထွီးရောယှက်တင်
ရုန်းထွက် လွတ်မြောက် ပျံသန်းဖို့
ထွက်ပေါက် မဟိဗျာယ်လား ဝေ

ကျိန်စာသင့် စာမျက်နှာထက်မှာ
အုပ်ပြိုတိ ထိုတစ်စု
အသိမ်းပိုက်ခံလိုက်ရရေ ဘုရားတစ်ပါး
အနာဂတ်တိ ရာသီတိုင်း အညွန့်ချိုးခံနိန်ရယင်း
ပုစ္ဆာအားလုံး အဖြေအားလုံးကိုပင် ငါရို့ အလွတ်ရနိန်ကတ်ဗျာယ်
ဘဝတိလည်း ရိုးအီဖျော့တော့
စိုက်ပျိုးယင်း သီဆုံး
သီဆုံးယင်း ထပ်စိုက်ပျိုးနိန်ကတ်ရဖို့
မြီနိန်ရာ တစ်ခုမှာ
ငါရို့ စွာလည်း သစ်ပင်တစ်မျိုးဆက် ဖြစ်လာကတ်ဖို့သိမ့်ရာ

မပြည့်စုံမှုတိ များနိန်သိမ့်ရေ ဝေ
ဟိမဲ့ စုမဲ့ ခွန်အားဆန္ဒတိကို ထုတ်ပိုးစုပုံ
လုံးဝမလဲသိမ့်ရေ အမျိုးသားအလံတော်အောက်မှာ
ငါရို့ အားလုံး ညီညီညာညာ
စည်းလုံးခြင်း
အနစ်နာခံခြင်း
မျိုးချစ်ခြင်း
ငါရို့ ဧ့ နုပျိုခြင်းလက်ချောင်းတိနန့် ခေတ်အသွီးအသားကို မလွတ်တမ်း ဆုပ်ကိုင်ကတ်မေ

အချိန်ကောင်း အခါကောင်း
အခွင့်အရေးတိ နှောင်းမလားခင်
ငါရို့ တိ တာထွက်မျဉ်းနားကို ရောက်အောင်လားကတ်မေဖိ ...

အဝီး

မလွမ်းချင်ပါ
ပန်းပါသောကြောင့်
စိုးကြောက်မိ၏။

မချစ်ချင်ပါ
အစွဲလမ်းကြီး
မေတ္တာမီးလေ။

ဝေး၍ဝေးသည်
အဝေးကမ္ဘာ
ဆွေးကန္တာမှာ
သူ့တစ်ယောက်သာ
ထာဝရ ပါလေ။

             15/08/13

အရှုံးသမား

ဇာပိုင်ပင်ဆိုဆို ငါရို့ တိကား အရှုံးသမားတိရာ
ရုပ်ဝတ္ထုပစ္စည်းတိ ဆုံးရှုံးခရရေ
စိတ်ဓာတ်တိ ဆုံးရှုံးခရရေ
နယ်မြီတိ ဆုံးရှုံးခရရေ
ဂုဏ်သိက္ခာတိ ဆုံးရှုံးခရရေ
အားလုံးနီးပါး ...
ငါရို့ တိကား အသက်ရှင်သန်ခြင်းတိပါ တဝက်တပျက်။

ကျန်ခရေ ရုပ်ဝတ္ထုပစ္စည်းတိစွာ
ငါရို့ တိအတွက် ... နာကြင် ငိုကြွီးစရာလား
(သို့ မဟုတ်) ပြန်ပနာ ထရပ်ဖို့ ခွန်အားတိလား
နောက်ဆုံးစဉ်းစားလိုက်ကေ ...
ငါရို့ ရွီးစရာလမ်းက ........... ???

လောင်းရိပ်မိ သစ်ပင်တိပိုင်
မွန်းကျပ်ပိတ်လှောင်ခြင်း ဒဏ်ရာတိနန့် ဆန့် ငင်ဆန့် ငင်
ဗိုင်းရပ်တိက ထရံတိုင်းမှာ သောင်ကျန်းထ
အရှုံးသမားဘဝက
ခွန်အား မဟိ
အမှန်တရား မဟိ
အလှအပ မဟိ
ဟိမဲ့စုမဲ့ ... မျိုးစောင့်မျိုးချစ်တရားပါ ပျက်သုန်းလားကေ
ဝေ ... ဇာခါ ငါရို့ အလင်းကို ထပ်မြင်ရနိူင်ပါဖို့ သိမ့်လဲ။
                                   ၁၁/၀၈/၂၀၁၃

မွီးနိ

အသက်တစ်နှစ်ကြီးပါလတ်တေ။

ဖင်လှည့် ခေါင်းလှည့်
တောပြော တောင်ပြော
ပြောင်းလဲခြင်းက ဒုံရင်းထက် ၁လက္မသာသာ။

ထိပ်တိ ပိုပြောင်ပါလတ်တေ
ကြောင့်ကြစိတ်တိ ပိုများပါလတ်တေ
နိူင်ငံခြားက တရုတ်ကုလားစာတိပိုစားပနာ
ဝမ်းချေပါ ဖောင်းဖာလတ်တေ။

သွီးထဲမှာ ၁၀၀% သခင်စိတ်
ဘဝက ၁၀၀% ကျွန်
အလုပ်ကလည်း ကျွန်
နိူင်ငံခြားရောက်လာလို့  ကျွန်နှစ်ထပ်ကွင်း
စိတ်ဓာတ်တိက ကျစရာနိန်ရာလဲ မဟိပါယာဝေ။

မွိးနိ လတ်
အုပ်ကြားမြက်သာသာ ဂုဏ်ဒြပ်တိနန့် 
တနင်္လာ ...
လကုန်ခါနီး
နိူင်ငံခြား
နှစ်သစ်ကို တိုက်ပွဲဝင်ဖို့ 
လက်နက်ခဲယမ်းတိ လိုလာပြန်ယာမလားယေ။

၁၂/၀၈/၂၀၁၃

Saturday 22 June 2013

ဂျိုဟိုးဘာရူး

ကျနော်ရောက်လားရေခါ
ဂျိုဟိုးစွာ ကျားသစ်တစ်ကောင်ပိုင် ဖစင်းဝပ်နိန်ရေ
ဒုက္ခသည် အကျီ င်္ကိုဝတ်ဆင်လို့ ငါ့သွီးသားတိ
ရီသစ်မြီသစ်ကို တိုးထွက်လာကတ်တေ ကာလာစုံငှက်တိ
မျက်စီတစ်ဆုံး ကွင်းပြင်ထဲ
အစားအစာ တူးဆွ ရှာဖွီစားသောက်လို့ ။

ဂျိုဟိုးစွာ မဟာသီယာမက်တေ အိပ်မက်တစ်ခု
ဂျိုဟိုးစွာ စင်္ကာပူကျွန်းကို မှီထားရေ ခေါင်းအုန်းတစ်လုံး
ဂျိုဟိုးစွာ မလေးရှားနိူင်ငံက ပါးစပ်ပေါက် တစ်ပေါက်လည်းဖြစ်တေ။

ဟာလာလုပ်ပြီးသား ထမင်းဆိုင်တစ်ဆိုင်မှာထိုင်ယင်း
ခေါင်းမြီချုံထားရေ ပန်းတိကို ငေးမူ
ရာသီစက်ဝန်းက
အဆိပ်ပြင်းရေ မြွှီစိမ်းရနံ့ 
မိစ္ဆာမျက်ဝန်းတိ မိုးသားပိုင်ပြိုဆင်းလာကတ်ယင့်။

ဂျိုဟိုးမှာ မဆိတ်သသောနန့်  ဗိုင်းရပ်၊ ဘက်တီးရီးယားတိ မကန်တွိခရေ
ဂျိုဟိုးမှာ ကိုယ့်မျက်ရည်ကို ကိုယ်သောက်လို့ ပြည်ထောင်စု သမချေတိ မကန်တွိခရေ
ဂျိုဟိုးမှာ ကတီပါဖိနပ်စီး၊ သနပ်ခါးလိမ်း၊ ခတောင်းဝပ်ပနာ မျိုးချစ် ပြည်ချစ်တိလည်း ဇာချားတွိခရေ
ဂျိုဟိုးစွာ ဝက်သားရောင်းနိန်ရေ မလေးသျှားးနိူင်ငံသားတစ်ယောက်
ဂျိုဟိုးစွာ ချမ်းသာနိန်ရေ တရုတ်တမိသား
ဂျိုဟိုးမှာ အိမ်ထောင်ကျနိန်ရေ ငယ်သူငယ်ချင်း တစ်ယောက်လည်း တွိခရေ။

ငါ ဂျိုဟိုးကို ရောက်လားရေခါ
ဂျိုးဟိုးစွာ စင်္ကာပူကို လာအလုပ်လုပ်နိန်ရေ မလေးတစ်ယောက်
တတိယနိူင်ငံကို လားဖို့ တန်းစီနိန်ရေ ရခိုင်တော်လှန်ရေးသမားတစ်ဦး
အသားအရီကို ဗန်းပြပနာ ဂိုဏ်းစတားလုပ်စားနိန်ရေ မှင်းဂျိုင်သီးကုလားတစ်ကောင်
မြန်မာပြည်စစ်အုပ်ချုပ်ရေးကြောင့် ဘဝတိ ညညက်ကြီပနာ ကုလားလက်ထဲမှာ ရောက်နိန်ရရေ   ဗုဒ္ဓဘာသာမမ့ချေ တစ်ယောက်
အိမ်ပေါင်၊ ယာပေါင်၊ အုန်းခင်းတိပေါင်လို့ 
ကျီးလန့် စာစား ရုန်းကန်နိန်ကတ်ရရေ မြန်မာတိုင်းရင်းသား တရွီ
ဂျိုဟိုးစွာ ရင်းဂစ် အသစ်စက်စက်တိနန့် ငါ့ကိုကြိုဆိုနိန်ရေ
ဂျိုဟိုးစွာ အရှိအာရှက ဖစင်းဝပ်ပနာသန်းရှာနိန်ရေ ကျားသစ်တစ်ကောင်
ငါ့ ယင်းသူ့ နောက်ကုန်းကို နောက်ဆုံး နင်းမိရေခါ
ဂျိုဟိုးစွာ ငါ့ကိုသွားခြဲပြ
နောက်တစ်ခေါက် ပြန်လာလည်ဖို့ အတွက်
သူ့ ပုံတူ နှလုံးသားတစ်စုံကိုလည်း လက်ဆောင်ပီးလိုက်လီရေ။
                                                               ခိုင်ရမ္မာ(၀၇.၀၆.၂၀၁၃)