ကမ္ဘာကြီး တစ်ပတ်တိတိ လည်ပတ်ပြီးစီး လားခရေ
"ချစ်ခြင်း"ဆိုရေ ဝေါဟာရကို ရှာဖွီတွိဟိယင်း
ပန်းသီးတစ်လုံး သင်္ကေတ
နံရိုးတစ်ချောင်း အထုတ်ခံလိုက်ရရေ လူသား
ဘဝဆန်ရေ ဘဝထဲကိုပထမဆုံး ချည်းနှင်းဝင်ရောက်ခြင်း ပ။
ချစ်ခြင်းရေ "သစ်ပင်ကြီး တစ်ပင်"ရာ ဖြစ်တေ
ပျော်ရွင်ကြည်နူးမှု အငုံအဖူးတိ ဝီဆာလို့ 
တခါတလီလဲ သောကရွက်ခြောက်တိ ကြွီရာ
ဝမ်းနဲ ဝမ်းသာ ရသမျိုးစုံရပ်နား၊ ပျံထွက်နိန်ကတ်တေ နိန်ရာ။
ချစ်ခြင်းကြောင့် ငါရို့ တိ လူဖြစ်လာကတ်တေ
ကမ္ဘာကြီးထဲက အခမ်းနားဆုံး၊ အလှပဆုံး၊ အချိုမြိန်ဆုံး အရာတိကိုဖန်တီး
ဇာနန့် မှနှိုင်းလို့ မရရေ လှိုင်း
သက္ကရာဇ်တိ မကန်ကိုလည်း ဖြတ်သန်းလာခယာ မလား
ချစ်ခြင်းစွာ တန်ခိုးပါဝါကြီးရေ ဖန်ဆင်းရှင် တစ်ပါးပါဖြစ်နိန်ပြန်ရေ။
ချစ်သူ...
နွီဦး ရသကာရံတိကိုပွိ့ ဖက်နမ်းယှိုက်ယင်း
စိုက်ပျိုးရှင်သန်ဖြစ်ခရေ ကိုယ်ရို့ သစ်ပင်
အဖူး၊ အငုံ၊အသီး၊ အပွင့်တိ ဝီစီ
ရွက်ခြောက်ပသာဒ အမှိုက်သရိုက်တိ ကြွီစီ
အနာဂတ် ပြက္ခဒိန်တိ တစ်ချပ်ပြီးတစ်ချပ် ထပ်ပနာ ဆုပ်ဖြဲပလိုက်ဖို့ 
ဟာမိုနီ ညီပြီသားနှလုံးသားကိုလည်း လှဲကျင်းထားစီ ဝေ။
ကမ္ဘာကြီး၏ နှစ်ပတ်မြောက် ခရီး
ကမ္ဘာကြီး၏ ၁၀ ပတ်မြောက် ခရီး
အပတ် ၅၀ မြောက်ကမ္ဘာကြီး၏ ခရီး
ယင်းပိုင် မရီတွက်နိူင်ရေ နွီဦးရက်ချေ တစ်ရက်ကို ထပ်ခါထပ်ခါ ဖြတ်သန်းယင်း
ဧဝ ကိုက်စားလားရေပန်းသီး တစ်ကိုက်
နံရိုး တစ်ချောင်း၏ ရင်ခုန်သံ
ကမ္ဘာ တည်သရွိ ယင်းသစ်ပင်ကြီး ဝီဆာရှင်သန်နိန်စီကြောင်းကို။
ခိုင်ရမ္မာ(၀၈.၀၅.၂၀၁၃)
"ချစ်ခြင်း၏တစ်နှစ်ပြည့် အမှတ်တရ"
No comments:
Post a Comment