ငါစွာ ရီထုမဲ့ ပင်လယ်ပြင်တခု
တိမ်လွှာမဲ့ ကောင်းကင်ပျို တစ်ထည်
ရင်ခုံသံတိ ခြစားခံထားရရေ သံစိုင်မဲ့လူသား။
မင်းလျှောက်တေ တာဝီးခရီးက
ငါ့အတွက် အသက်ရှူမွန်းကျပ်လွမ်းရေ။
မင်းပြောရေအတွေးအခေါ်တိက
ငါ့မျှော်လင့်ချက်တိကို မည်းမှောင်စီရေ။
ပြီးကေ .........မင်းစိမ်းကားမှုတိက
ငါ့နှလုံးသားကို ရခဲတောင် ဆန်လားစီရေ။
မင်းစွာ...........အရှိုန်အဟုန်
မင်းမှာမွှီးကြိုင်ရေ အပြုံးတိဟိရေပိုင်
ခိုင်မာရေ စိတ်သံစိုင် တစ်ခုလေ့ပိုင်ဆိုင်ရေ။
မင်းစွာ ၂၁ ရာစုငါ့ဘုရင်မ
သွက်လက်ထက်မြ
သံတွဲပိုင်'' ခြိမ်လိန်ခြိမ်လိန်''
မြင်သူတကာကို ကြည်နူးမှုရောင်စိုင်တီဝီဖြာပီ
သံတွဲပိုင်ကောင်မချေ ....
ဒွါရာဝတီ ရနံ့ မပြယ်ဖို့
ကိုယ့်ကိုကိုယ် ရခိုင်မူပြုဖို့
သွီးရိုးသားရိုးရခိုင်စကားပြော
ထပ်ပနာ သဇင်ပီသယင်း
မင်းနန့် အာရက္ခပူရကို
ငါ အချိန်တိုင်းလွမ်းနီလီယင့်ဝေ။
၁၂.၁၂.၂၀၁၀
No comments:
Post a Comment