လူငယ်တစ်ယောက်စွာ
ပျံသန်းခြင်းတောနက်ထဲကို ပြီးထွက်လားရေခါ
သူ့ တောင်ပံတိ မာကျောဖို့ အခွင့်အရေး ရပါလတ်တေ။
လွတ်လပ်ခြင်း လွတ်မြောက်ခြင်း
လောကက သင်ပီးရေ သင်ခန်းစာရေ
အမှန်နဲ့ အမှား
အကောင်းနန့် အဆိုး
အစစ်နန့် အတု
သင်ယူတတ်မြောက် လူလားမြောက်လားရေနိန့် ပ
ညတိတဖြုတ်ဖြုတ်ကြီပနာ
နိန့် တိ တခမ်းတနား ဖူးပွင့်လာကတ်တေ။
လူငယ်တစ်ယောက်မှာ
အစွန်းထင်း ကင်းရေ အဖြူရောင်စာမျက်နာတစ်ခုဟိရေ
နုပျိုခြင်း ရဲရင့်ခြင်း
လောင်ကျွမ်းအား အကောင်းဆုံးသမိုင်းတိကိုရီးဖို့ 
လူငယ်ဆိုစွာ နီမင်းရဲ့ မဟာမိတ်ဖြစ်တေ
လူငယ်ဆိုစွာ ပျံသန်းခြင်းမြှားတစ်စင်းရဲ့ ထိပ်ဖူးဖြစ်တေ
ယေတင်မက လူငယ်ဆိုစွာ လွတ်မြောက်ခြင်းတိုက်ပွဲတိရဲ့ ဇာတ်လိုက်လဲဖြစ်တေ။
လူငယ်တိ ပျံသန်းတတ်တေ ကောင်းကင်မှာ
သင်ယူခြင်း ... တတ်မြောက်ခြင်း
ဟြှာဖွီခြင်း ... တွိဟိခြင်း
မလွတ်လပ်ခြင်း ... တော်လှန်ခြင်း
အဖျက်ဆီးခံရဖြင်း ... ပြန်ပနာတည်ဆောက်ခြင်း
လူငယ်ဆိုစွာ ခေတ်သစ်တိကိုရီးထိုးတတ်တေ ကလောင်တံတိဖြစ်တေ။
သြော် ... လူငယ်
တတူတူ ပျံသန်းခြင်း တောနက်ထဲ
တက်ညီ လက်ညီ
အားပြိုင် သံပြိုင် နှလုံးသားပါပြိုင်လို့ 
ခေတ်ကိုပါ တစ်ခါတည်း တတူတူမောင်းနှင်ကတ်မေ
လာဝေ ... လွတ်မြောက်ခြင်း နိန့် သစ်တိဘားသို့  ... ။
ခိုင်ရမ္မာ(၀၅.၀၃.၂၀၁၃)
No comments:
Post a Comment