ချမ်းနိန်ကတ်တေ ...
ရာစုနှစ် ၂ ခုကျော်ဒဏ်ရာတိနန့် 
သီရာပါလားဖို့  စာမျက်နှာ
နှစ်တစ်နှစ် နောက်ဆုံးနိန့် မှာ
ဝေဒနာတိကို လက်ထိုးအန်ချ
ငါရို့ အားလုံးက
ကြမ္မာငင်နိန်ရေ ရီခမ်းငါးတိပိုင် ဘဝ
ဆောင်းလီရိုင်းတိ တိုက်ခတ်လာဗျာယ်
ဗဟိုစည်သံကို ငါကြားယင့်
မီးလောင်ပေါက်ကွဲသံတိကို ငါကြားယင့်
ငိုယို ပြီးလွှားသံတိကို ငါကြားယင့်
ဆုံးရှုံးမှုတိက ငါရို့ သွီးကို ခဲလားစီခရေ
ဖိုးဖီးစဉ်လာ
နန်းတော်
ဇာတိမာန်
သမိုင်း
ယဉ်ကျေးမှု
စာပီ
လူသား
မကန် မကန် မကန်
ငါရို့  ထပ်ပနာ ချမ်းနိန်ကတ်သိမ့်ရေ
ငါရို့  အဖသွီးထဲမှာ မိစ္ဆာဗိုင်းရပ်တိ သိုက်အုံဖွဲ့ လို့ 
ငါရို့ တိလည်း လူမမာပက်လက်
အချမ်းဒဏ်က ခံနိူင်ရေ ဒီဂရီစည်းကို ကျော်နိန်ဗျာယ်
ဒီဇင်ဘာ ...
ထပ်ပနာ ယင်းဝေဒနာတိကို မင်းမယူလာကေ့ဖိလား ဝေ။
ခိုင်ရမ္မာ
ဒီဇင်ဘာ ၊ ၂၀၁၂
No comments:
Post a Comment