ရန်ကုန်မှာ ....

ရန်ကုန်မှာ
ကြုံကြီးသင်းပွန်းကျနိန်ရေ
ရခိုင်ပြည်လုပ် ထုတ်ကုန်တိ
ငါ မမြင်ချင်အဆုံး
မိုးထ နိန်ဝင် ...
တိမ်သားညညိုတိမှာ ခိုတွဲလို့ ။

ရန်ကုန်မှာ
ဗမာစကား ပပီ့တပီကို ကိုက်ဝါးနိန်ရေ
မြို့ပြဟြှာ အငွိအသက်အာရုံ
ရခိုင်မြီစွာ
၂၁ ရာစုမှာ မောင်ဒါလီတစ်ကောင်လှဲပခရေ အကြီးခွံ ဟောင်းတစ်ခုရာ ...
ရနံ၊ သဘာဝဓာတ်ငွိ၊ ပင်လယ်စာတိနန့် တတူ ပြည်ပကို အံထွက်
အသက်သျှူမဝရေ ခန္ဒာတိ
စစီရရီ စစီရရီ
ငါ့နှခေါင်းတိ ညှီနံ့  နံလိုက်တေ။

ရန်ကုန်မှာ
နွားနင်းခံထားရေ သဇင်ပန်းတိ ငါတွိယင့် ...
ဖာရာ ခြုတ်ရာတိ ပလပွနန့် 
ဒယိမ်းဒယိုင် ပင်လယ်နား ခြီရာတိ လည်းမကန် ...
ဝံလက်စစစ် ဖြစ်ယင့်သားနန့် 
ဒေါင်းပိုင်လိုက်ကနိန်ရေ ငသံတွေနွယ်ဝင် ငှက်မျိုးကိုလည်း ငါထပ်တွိရယင့် ...
ရန်ကုန်စွာ
စိုင်းဒြားမင်းခွာတိ အတွက်
ပျိုရွှယ်မှုတိကို ကားစင်တင်ပျံသန်းဖို့ အကျယ်ဝန်းဆုံး ကောင်းကင်
ညှော်မိ ယစ်မူး ဆတ်ဆလူးခါလောက်တေ ။

ရန်ကုန်မှာ
အိုးပြောင်း အိမ်ပြောင်း
ရင်ခုန်သံပြောင်း အချစ်ပြောင်း
ဘဝဟောင်းကို စွန့် ပစ်လို့ 
မြို့ ပြကို ရူးသွပ်နိန်ကတ်တေ လက်ချောင်းကြကြမ်းတိ
မိုးထ နိန်ဝင်
မမြင်ချင် အဆုံး ...
မမြင်ချင် အဆုံး ...
ဆင်ခြီဖုန်း လိုင်းကားအိုတိ ထဲမှာ ။
                                  ခိုင်ရမ္မာ(03.05.2012)
                            ရန်ကုန်ရောက် အမှတ်တရ ......