စည်းလုံးကတ်မေ ဂိုးချေ

စည်းလုံးကတ်မေ ဂိုးချေ ...
နှစ် ၂၀၀ ကျော် ညဇာသားတိ
ဇာလောက်ထိ မှောင်မည်းမှန်း
ဂိုးချေ အသိရာ ...
သွီးတူရေ နှလုံးသားရို့မှာ ရင်ခုန်သံတိလည်း တတူတူ
အဖြူအမည်း၊ တောင်ပိုင်းမြောက်ပိုင်း မဟိ
သမိုင်း စာရွက်စုတ်ကြီးလည်း ဒဏ်ရာကိုယ်စီ သွီးအလိမ့်လိမ့်။
စည်းလုံးမှ ရဖို့  ဂိုးချေ
ကျနော်ရို့တိ စည်းလုံးချိန် တန်နိန်ဗျာယ် ထင်ရေ
ညကို ညမှန်းသိလို့  ...
အမှောင်ကို အမှောင်မှန်းသိကေ
အလင်းမိုးထသားစွာ ကျနော်ရို့ လက်တစ်ကမ်းမှာရာ
ကျနော်ရို့ ယင်းနိန့် သစ်ကို ကြိုဆိုထွန်းညှိကတ်ရဖို့ ။
သမိုင်းစာမျက်နှာတိကို ပြန်လှန်ကတ်မေ ဂိုးချေ ...
ဘိုးဘွားပိုင် ပစ္စည်းတိကို တန်ဖိုးထားကတ်မေ
သွီးနှောခံ အမျိုးသားဇာတ်နိန့်  ပုစ္ဆာတိကို စောင်းငဲ့ကြည့်လို့ 
ကိုယ့်မျိုးအမှန် ဇာတိမာန်ကို ပြန်ပနာ တူးဖော်တည်ဆောက်ကတ်မေ
စည်းလုံးမှ ရဖို့ ဂိုးချေ ...
ရင်ဖတ်ကိုဖွင့် နားကိုစွင့်လို့ 
နောင်လာဖို့  မျိုးဆက်တစ်ဆက်အနာဂတ်စွာ ဒေမျိုးဆက်လက်ထဲမှာရာဆိုစွာ နှလုံးသွင်းကတ်မေ။
သတ္တိလည်း ဟိကတ်ရဖို့ ဂိုးချေ
လူငယ် ပပီ စွန့် လွတ်စွန့် စားခြင်းတိကို ပိုက်ထွီးလို့ 
ခေတ်သစ်တစ်ခေတ်ကို လားဖို့  မျှားဦးပျံသန်းခြင်း ဂုဏ်အင်
ကျနော်ရို့ လောင်ကျွမ်းခြင်း သံဝါသတိကိုလည်း ညက်ညက်ကြီနိန်အောင် တည်ဆောက်ကတ်ဖို့ 
စည်းလုံးကတ်မေ ...ဂိုးချေ
အမျိုးမှန်ရေ အမြင့်မြတ်ဆုံး တာဝန်တိကို ထမ်းဆောင်ဖို့ 
ကျနော်ရို့... တတူတူ စည်းလုံးချီတက်ကတ်ပါမေ ဂိုးချေ။
                                                      ခိုင်ရမ္မာ
                                                      29/05/2012
                                                      12:05am