ဆောင်းသွီးစက်

ဆောင်းရာသီက ကြဲချပီးလိုက်တေ
သွီးစက်တိစွာ
ငါ့နှလုံးသားမှာ ပြန့်ကြဲ
အစီအစဉ်မဲ့....
အကာအရံမဲ့...
ငါ့ရင်ခွင်မှာ ဝေဒနာတိရာ ပွင့်လန်းလာရေ...။

မိပစ်ဖို့ ကြိုးစားထားကေလဲ
အတိတ် အရိပ်ဆိုး တွန်ကြူးသံရေ
ငါ့အိပ်မက်တိကို ယိမ်းခါထိုးအောင်လှုပ်နိူး
ငါပိုင်ဆိုင်ထားခရေ ညဥ့်က
ဇီးရိုးအောက် အနုတ် ၉၉ လောက် ကျရောက်လို့.....။

မျက်စိ ဖွင့်ခွင့်မရ
လလွတ်လလပ် ရုန်းကန်ခွင့်မရ
စိတ်ဟိတိုင်းရာ အော်ခွင့်ရဖို့ဆိုကေ
တစ်ကမ္ဘာလုံး ကျကျွဆူလာအောင်
ခြီကန်လက်ဆုပ် အားကုန်ထုတ်ပနာငါအော်ပစ်ချင်ရေ...
အကြွင်မဲ့ ဒီဇင်ဘာဆန္ဒ....။

လီပြင်းမှာ သစ်ရွက်စိမ်းတိ တဖြုတ်ဖြုတ်ကြွီ
နောက်ကွယ် စုန်းကဝေမ ပြုစားချက်နန့်
တုတ်နှောင်ခြင်း သမိုင်းဒဏ်ရာ
မွစာကြဲအောင် နင်းခြွီခြင်းမှာ
မျက်ရည် စီးကြောင်းက ငါ့အသဲတတည့်ကို စီးဆင်း
ငါဇာပိုင် ခံနိူင်ဖို့လဲ...။

သျှိက်သံတိနန့်
ကျကျစ်ပါအောင်ဆုပ်ထားရေ ဒေါသ
ပင်လယ်ပြင်တဆုံး လက်ပစ်ကူးဖို့
မီးဟဟုန်းတောက် ခြီလှမ်း
ကန္တာရ ခြီသံတိနန့်
အပြင်းထန်းဆုံး မောင်းနှင်မယ်...
လှိုင်းထိုး လီခွဲ
ငါ့ရင်ထဲ....ဆောင်းသွီးစက်တိ....တဖွဲဖွဲကျ။
                                                       ခိုင်ရမ္မာ(၂၀၁၀)