ပျံသန်းခြင်းစွာ ဘဝတစ်ခုဖြစ်ပါဇီဝေ...
ကြံ့ ခိုင်သန်မာဖို့ 
မြတ်နိုးမှုတိ ကုံလုံရေ မွီးရပ်ကို စွန့် ခွာ
တောင်ပံခတ်သံ ... နှင်လီဖို့ ခရီး
သွီးတိ အီးခဲလားရေ အထိ
ဘဝစွာ လီပြင်းမုန်တိုင်းဆန်ရေ ကကြိုးကကွက်တစ်ခု
ငါ ယဉ်ပါးလာခရေ ...။
မာတီကာချရယ် နှင်းမှုန်တိကြား
တစ်ခါ တစ်ခါ ကိုယ့်အံဖတ်တိနန့် ကိုယ် ချမ်းခခိုက်တုန်ရီ
ရွီးချယ်ခွင့်မဟိရေ အနမ်း
အပြုံးစွာ အဆိပ်သင့်ဟန်ဆောင် ပန်းတစ်ပွင့်ရာဖြစ်တေ
ငါ တဖြည်းဖြည်း ပန်ဆင်ဖို့ တတ်လာခယင့်...။
ယင်းနိန်ရာ...
ဆူးတိ ပလပွနန့်  မာန်ထချင်တိုင်းထ
စမတ်အကျဆုံး နောက်ဆုံးပေါ်အသွီးအသားတိကို ပိုက်ပွိ့ လို့ 
မျက်တောင်မခတ် သူရဲကောင်းဆန်နိန်ပုံမှာဆိုကေ
ငါ ကြက်သီး ဖြဖြန်းထလောက်တေ...။
ယင်းပိုင်...
နေတဓူဝ ကာရံမဲ့ရူ့ ခင်း
အလွမ်းတိ ပြန့် ချင်ပိုင် ပြန့် ကြဲ ဝီသီ
ခေတ်...
စနစ်...
လူဖြစ်လာရေ သဘောတရားတမျှော်တခေါ်
ငါရို့  ပျံသန်းခြင်းရာ ဘဝဖြစ်လီ ယင့်ဝေ...။
ခိုင်ရမ္မာ
၈.၁၁.၂၀၁၁
No comments:
Post a Comment