ဝီးကွာခြင်းမှာ အလွမ်းတိ သိုသိပ်နိူင်စီ ဝေ
နားလည်မှုကိုယ်စီ ဝတ်ဆင်ယင်း
အိပ်မက်တိရာ ဟာမိုနီညီကတ်ကေ
ဘဝစွာ အနားသတ်ညီရေ ပန်းသီးတစ်လုံး ပ။
လျှပ်စစ်သံလိုက်လှိုင်းတိထဲမှာ
အနွီးထွီးဆုံး ငါရို့ ရင်ခုန်သံတိ ဟိရေ ...
တစ်ယောက်ကိုတစ်ယောက် သယ်ဆောင်ယင်း
ပန်းတိုင်ရာ အနာဂတ်တစ်ခုဆိုကေ
ငါရို့ ဖူးပွင့်ဖို့ ခြံဝင်းအိမ်ဖြူချေ တစ်လုံးတော့ လိုသိမ့်ရေ။
Pop သံစဉ် အအီးချေတိကြားကေ
ချစ်သူဆိုညည်းတတ်တေ တေးခြင်း စာသားတချို့ စွာ
ငါနန့်  တတူဟိနိန်တတ်တေ ...
ရခိုင်အပီသဆုံး အကြည့်တိနန့် 
ချစ်သူစွာ သဇင်ပန်းပွင့်တစ်ခိုင်
ဖြူဖြူစင်စင် လှလိုက်တေကား ဝေ။
နီညိုတိသန်းဗျာယ် ...
အိမ်ပြန်ရက်မှာ ဆန္ဒကျိုးကြီစတိမကန် ပြွတ်သိပ်ထမ်းပိုးယင်း
ပင်လယ် တစ်တန်
ကုန်းမြီတစ်တန်
ခရီးစွာ စံပယ်တိ အဆုပ်လိုက်ပွင့်ရေ မိုးညတစ်ညဖြစ်လိမ့်မယ်
ချစ်သူ သိစီ
နယ်မြီ ရပ်ခြား ...
ဝီးကွာခြင်းမှာ အလွမ်းတိ သိုသိပ်နိူင်စီ ကားဝေ။
ခိုင်ရမ္မာ(13/09/2012)
(ယုန်မချေ အတွက် ...)
No comments:
Post a Comment