Saturday 15 September 2012
Friday 14 September 2012
ဝီးကွာခြင်းမှာ အလွမ်းတိ သိုသိပ်နိူင်စီ ကားဝေ
ဝီးကွာခြင်းမှာ အလွမ်းတိ သိုသိပ်နိူင်စီ ဝေ
နားလည်မှုကိုယ်စီ ဝတ်ဆင်ယင်း
အိပ်မက်တိရာ ဟာမိုနီညီကတ်ကေ
ဘဝစွာ အနားသတ်ညီရေ ပန်းသီးတစ်လုံး ပ။
လျှပ်စစ်သံလိုက်လှိုင်းတိထဲမှာ
အနွီးထွီးဆုံး ငါရို့ ရင်ခုန်သံတိ ဟိရေ ...
တစ်ယောက်ကိုတစ်ယောက် သယ်ဆောင်ယင်း
ပန်းတိုင်ရာ အနာဂတ်တစ်ခုဆိုကေ
ငါရို့ ဖူးပွင့်ဖို့ ခြံဝင်းအိမ်ဖြူချေ တစ်လုံးတော့ လိုသိမ့်ရေ။
Pop သံစဉ် အအီးချေတိကြားကေ
ချစ်သူဆိုညည်းတတ်တေ တေးခြင်း စာသားတချို့ စွာ
ငါနန့်  တတူဟိနိန်တတ်တေ ...
ရခိုင်အပီသဆုံး အကြည့်တိနန့် 
ချစ်သူစွာ သဇင်ပန်းပွင့်တစ်ခိုင်
ဖြူဖြူစင်စင် လှလိုက်တေကား ဝေ။
နီညိုတိသန်းဗျာယ် ...
အိမ်ပြန်ရက်မှာ ဆန္ဒကျိုးကြီစတိမကန် ပြွတ်သိပ်ထမ်းပိုးယင်း
ပင်လယ် တစ်တန်
ကုန်းမြီတစ်တန်
ခရီးစွာ စံပယ်တိ အဆုပ်လိုက်ပွင့်ရေ မိုးညတစ်ညဖြစ်လိမ့်မယ်
ချစ်သူ သိစီ
နယ်မြီ ရပ်ခြား ...
ဝီးကွာခြင်းမှာ အလွမ်းတိ သိုသိပ်နိူင်စီ ကားဝေ။
ခိုင်ရမ္မာ(13/09/2012)
(ယုန်မချေ အတွက် ...)
အာဇာနည်မျိုး သီရိုးမဟိ( အသျှင်ဥတ္တမ
အာဇာနည်မျိုး သီရိုးမဟိ
ပြက္ခဒိန် ၇၂ ချပ် ဖြတ်ပြီးလခဗျာယ်
ဆရာတော် ဦးဥတ္တမ
အသျှင့် ခြီရာစွာ ကျနော်ရို့ နှလုံးသားထဲမှာ
လတ်ဆတ်ကြွရွလို့ သိမ့် ။
လွတ်လပ်ခြင်းဆိုစွာ လူမျိုးတိုင်း ခံစားထိုက်တေအရာ
ကိုယ့်ကြမ္မာ ကိုယ်ဖန်တီးခွင့်မဟိကေ
တန်းတူခွင့် မဟိကေ
ဖိနှိပ် ခွဲခြားခြင်းတိ ကြီးစိုးကေ
တိုက်ပွဲဝင်ရဖို့ ရာ ဖြစ်တေ ။
ဘာသာစကား ကိုးမျိုးတတ်တေ ။
နိူင်ငံစုံ ပတ်ပနာလား
ကမ္ဘာလုံးဆန်ရေ အသိတရားတိက
လွတ်လပ်ရေး အာသီသရဲ့ မီးရှူးတန်ဆောင်
ပြည်ထောင်စု တစ်ခွင်လုံး အမျိုးသားရေး ရောင်နီပျို့ အံစီခရေ ။
ကိုလိုနီ စစ်ဖိနပ်အောက်က နိန့် ရက်တိကို မုန်းရေ ...
နယ်ချဲ့ မိစ္ဆာကို မကြောက်
ဂရက်ဒေါက် Get Out!
ရဲရဲတောက် သတ္တီသွီးက အမျိုးမှန် မိုးယံထက်က ကြယ်
ဦးညွတ်မိ ပါရေ အသျှင် ။
ပြည်သူ အတွက် ရှင်သန်လာရေ ဘဝ
သံချီးသသော သံတိုင်ကြားက ကိုယ်တော်တစ်ပါးစွာ
မြန်မာပြည်က ပထမဆုံး နိူင်ငံရေး အကျဉ်းသား
ကိုယ်ကျိုးမဖက် တိုင်းပြည်အတွက်လောင်ကျွမ်းရေ ခန္ဒာ
တိုင်းပြည်ကျွန်ဖြစ်ကေ သာသနာလည်း ကျွန်သာသနာ
ယဉ်ကျေးမှုလည်း ကျွန်ယဉ်ကျေးမှု
စာပီစွာလည်း ကျွန်စာပီရာ ဖြစ်လိမ့်မယ် ။
မှောင်မှောင်မဲမဲ ညတိထဲ
အလင်းရောင် မီးတောက် ထွန်းညှိခရေ အသျှင်
မြန်မာပြည် တစ်ခုတည်းရာ မဟုတ်
အာရှတစ်တိုက်လုံး
The Light Of Asia ...
The Light Of Asia ...
The Light Of Asia ... ။
အာဇာနည်မျိုး သီရိုးမဟိပါ
ကမ္ဘာတည်သရွိ့  သမိုင်းပရဝုဏ်ထဲမှာ ထွန်းလင်းလို့ 
သူရဲကောင်းခြီရာ ထာဝရ မမိမ့်ပျောက် စကောင်းရာ
လေးစား ဂုဏ်ယူပါရေ အသျှင်
ဦးညွတ်အလေးပြုပါရေ အသျှင်
သက္ကရာဇ် ခြီရာတိကို သက်သီထားလို့ 
ထာဝရ ဦးခိုက်ပူဇော်ပါရေ အသျှင်ဘုရား ...
ထာဝရ ဦးခိုက်ပူဇော်ပါရေ အသျှင်ဘုရား ...
ခိုင်ရမ္မာ(07/09/2012)
(၇၃) ကြိမ်မြောက် ဆရာတော် ဦးဥတ္တမနိန့်  အထိမ်းအမှတ်
Subscribe to:
Posts (Atom)