ချစ်သူ ... သို့ 

လွမ်းရေ .... ချစ်သူ

နီဟိကေ နီရောင်တိကြား

မင်းအကြောင်းကို ငါ တွေးနိန်တတ်တေ ...

မိုးရွာကေလဲ မိုးသံတိကြား

မင်းရယ်သံချိုတိကို တမ်းတနိန်တတ်တေ ...

ညဝင်လာကေ

အမှောင်ထုကြား လပြည့်ဝန်းကြီးစွာ

မင်းမျက်နှာ ပ။

မင်းကို ကကောင်းချစ်တေ

့ 

ပင်လယ်ပြာက ရွှီငါးချေတိကို ချစ်တေပိုင်

ကောင်းကင်ကြီးက ငှက်ဝဝါချေတိကို ချစ်တေပိုင်

ငါ မင်းကိုချစ်တေ ...

မင်းကြောင့် ငါ့ဘဝစွာ ပိုလို အဓိပါယ်ဟိပါလတ်တေ ...

ကျေးဇူးပြုလို့  ငါဘဝထဲက မင်းထွက်မလားပါကေ့။

ချစ်သူ ...

မင်းနန့် တတူတူ ဟိနိန် ဖို့ အနာဂတ်တိအတွက် ငါကကောင်းပျော်ေ

မင်း ယုံဖို့ လား ...

မင်းနန့် ဝီးရေ နိန့် ရက်တိမှာ

ငါ့(စိတ်)အလွမ်းတိစွာ

မင်းအကြောင်းကို ရီးဖွဲ့ ထားရေ ကဗျာတစ်ပုဒ်ရာ

မင်းကို ကကောင်ချစ်တေ ... ဝေ။

                                 ခိုင်ရမ္မာ(စင်္ကာပူ)

                                       ၂၁.၀၄.၂၀၁၂

ချစ်သူ့ ... အလွမ်း

အတွေးတိနန့်  ဟိုးအဝီးကို တမ်းတနိန်တတ်တေ

အလွမ်းတိ မုန်ယိုရေ ရာသီ

အထီးကျန် ညဇာသား

တပြည်ခြားက ချစ်သူဟိရေ အရပ်ကို မှန်း

ပင်ပမ်းလိုက်တေ ဝေ ...

နိစ္စဓူဝ သောက ဗျာပါဒ

ဘဝမှာ  တစ်ချစ်

.........  တစ်ယောက်

.........  တစ်နှလုံးသား

ကမ္ဘာတည်သရွိ မြန်နိန်ဖို့  ရင်ခုန်သံ

ချစ်သူထံပါး အရောက်လားပါလီဝေ ...

လွမ်းနိန်ရေ

ကန္တာရ ဆန်ရေ ပြည်ပနိန့် ရက်တိမှာ မှီတင်းလို့ 

လီရူးမြူးစ ဂီမန္တအလှ

ချစ်ရသူချေ သတိမှ ရပါလီယင့်လား ဝေ ...

                                   ခိုင်ရမ္မာ(၂၉.၀၃.၂၀၁၂)

   

ချစ်သူ့ နွီ

ပူလောင်မှုတိကို မင်းမီးပိုင် ဖိုထားခလီယင့်လား
ကြွီဖို့ 
လွင့်ဖို့ 
အက်ကွဲပြီးသား ငါ့နှလုံးသားမှာ
မျက်ရည်ဆိုစွာလည်း ခမ်းခြောက်ပြီးသားပါဝေ။

စန်းချောင်းသီတိထဲ
သစ်ကိုင်းပြတ်တိနန့် လဲစင်းလို့ 
ဥသြငိုသံ အက်ကွကွဲမှာ ရင်ခုန်သံတိဗြောင်းဆန်
ဘဝဆိုစွာ နှစ်တစ်ရာ သစ်ခေါက်ဆွီးတုံးပိုင်
အသက်ဝိညဉ်ကင်းမဲ့ လွန်းပါရေဝေ။

တရှိန်းရှိန်း တဖိန်းဖိန်း
မင်းကန္တာရ ရယ်သံတိကြားမှာ
ခြောက်သရောင်းကိုင်းကျိုး နိန့် ရက်တိက
မြူတိပိုင်...လွင့်ချင်စွာလွင့်
ခရီးတဆုံးထိ နှင်းတေးသွား အနောက်ကုံးရာသီ
ငုပန်းတိလည်း ရင်မှာထပ်ပနာ သီဆုံးခပါရေ...ဝေ။

မင်းစိတ်တိုင်းကျ
ခြွီချင်ပိုင်ခြွီ
ချိုးချင်ပိုင်ချိုး
အခါပေါင်း ထောင်သောင်းထပ်ပနာ သီဆုံးလားပတ်ဆီ
အဝေ...နွီမချေ
ငါ့နှလုံးသားစွာ အမြဲတမ်း မင်းအတွက်ပါရာဝေ။

                                  ခိုင်ရမ္မာ

စစ်တွေတက္ကသိုလ် ... သို့ 

သို့ ... စစ်တွေတက္ကသိုလ်
နိန့် ရက်တိစွာ လှပပါယင့်လား
ပင်ပျိုတိစွာ လန်းဆန်းပါယင့်လား
မင့်အရိပ် မင့်အတိတ် ဆိုကေ
ငါ့အတွက်
တမ်းတခြင်းရာ ဇာမှာ ဟိလီဖို့ လဲ။

ပင်လယ်လှိုင်းသံတိနန့် ဝီးခဗျာယ်
ကဗျာ ရွတ်တတ်စ ကောင်ချေတစ်ယောက်
ရိုးမတောင်ကြီးကိုကျော်လို့ 
ဘုမေတက္ကသီလာကြီးကို နှုတ်ဆက်တေ လတ်
လခြမ်းမြီကို ထားပခရေ လတ်
တေးခြင်းတိက ရင့်သီးလွမ်းပါရေ။

အဝေ ...
(၃)နှစ်ဆိုစွာ တိုလွမ်းပါရေ
ဖင်လှည့် ဂေါင်းးလှည့်
ကျောင်းပိတ် ကျောင်းဖွင့်
ကျောင်းပြီးချိန်မှာ ကျောင်းခြံကိုတောင် မနှံ့ သိမ့်
အာသီသတိနန့်  သီရာပါ အာသာမပြေ
လွမ်းရေဝေ  စစ်တွေတက္ကသိုလ်။

ကဗျာမိသားစုချေ တစ်ခု ဟိရေလတ်
ကဗျာဝိုင်းရွတ်နီကျ သူငယ်ချင်းတိ ဟိရေလတ်
ကျောင်းဆင်းချိန်ဆိုကေ
ကင်တင်းမှာ တွိတွိနိန်ကျ
ကဗျာသံ စာသံ
အချစ်သံ အလွမ်းသံ
စိတ်ညစ်စရာတိကို မတွေးကြေး
ဆည်းဆာမှာ အနုအရွှတိရာ ပွင့်လန်းတတ်တေ။

စစ်တွေတက္ကသိုလ်....
(၃)နှစ်တာ ၀ီးကွာခြင်းနန့် 
ပြောင်းလဲခြင်းဖြစ်ရပ် ထွေထွေ
ရီမြီဒေသ.....လျောက်လှမ်းနီရရေ ခြီလှမ်း
ဘ၀စွာ...ဘ၀နန့် တူပါလာဗျာယ်ကား ထော
တက္ကသိုလ်

မင့်အရိပ် မင့်အတိတ်ဆိုကေ
ငါ့အတွက် တမ်းတခြင်းရာ ဇာမှာ ဆုံးလီဖိုလဲ...ဝေ။
                                                      ခိုင်ရမ္မာ
                                                     ၂၀၀၉၊ရန်ကုန်

သင်္ကြန်အလွမ်း

ပိတောက်တိ ပွင့်ဗျာယ်
ဥသြတိ တွန်ဗျာယ်
ရွက်ခြောက်တိ ကြွီဗျာယ်
ယင်း နွီ ခကြမ်းကြမ်း တစ်ထည်မှာ ...

လီရူးတိ မြူးကြွ
အပူဟိတ်နန့်  တငွိငွိထနိန်ရေ မြူခိုး
ရွက်ပြတ်ပင်အိုတိကြား
တိတ်ဆိတ်ခြင်းစွာ အထီးကျန်ခြင်းလားဝေ ...

အတာနှစ်ကူးလို့  နာမည်ရရေ
တူးပို့ တူးပို့ တေးနန့် 
ရိုးတွင်းခြင်ဆီ ထိအောင် တောင့်တရေ ပွဲတော်
နွီဦး အခင်းအကျင်းလို့  ပြောရဖို့ လား
ယဉ်ကျေးမှုတစ်ခု ဆုံရပ်လို့ ဆိုရဖို့ လား
ငါမပြောတတ် ဗျာယ် ...

ယင်းပိုင်
ငွီဖလားတစ်လုံးက ပီးရေ သံစဉ်
ပိတောက်တစ်ခက် ရနံ့ 
သံဂျပ်တစ်ပုဒ် ကာရန်အလှ
ရခိုင်မချေ တစ်ယောက် ဇာတိဟန်အပြုံး
ယင်းဆင်နွဲခြင်း မဏ္ဍပ်ချေထဲမှာ
အအေးပတ်လားရေ နှလုံးသားတစ်ခုစွာ
နွီဦးအဆိပ်သင့် မျက်ဝန်းတစ်စုံကြောင့်ရာဖြစ်တေ ...

ပိတောက်တိ ပွင့်ဗျာယ်
ဥသြတိ တွန်ဗျာယ်
ရွက်ခြောက်တိ ကြွီဗျာယ်
တူးပို့ တူးပို့ တေးနန့် 
ယင်း နှစ်ကူးပြောင်း အတာပွဲတော်မှာ
ငါစွာ ရီလောင်းခွင့်တိကို မြုံသီယင်း
အလွမ်းတိ တဖြဖြုတ်ကြွီနိန်ရေ အဝီးက အဖော်ကွဲငှက်ချေတစ်ကောင် ...

                                                                ခိုင်ရမ္မာ(၁၃.၄.၂၀၁၁)

ကမ္ဘာသစ်ချေတစ်ခု တွိယှိခြင်း(မဟာအာရက္ခနိူင်ငံတော်)

ကမ္ဘာသစ်ချေတစ်ခု တွိခရေ ...
အဖြူ အနီနောက်ခံနန့်  သိရိဝစ္စအလံတော် လီမှာဝှိ့ ယမ်း
ပင်လယ်ကမ်းနားက ကမ္ဘာသစ်ချေ
ယင်းကမ္ဘာသစ်ချေမှာ ...
ရိုးရာဝတ်စုံကို နှလုံးသားမှာ ဝတ်ဆင်ထားရေ လူသားတိ ဟိရေ
မျိုးစောင့်ခြင်း အာသီသ တေးခြင်းတိ ဆိုလို့ 
ပစ္စိမဂီတ ... အာရက္ခဗလ နိူင်ငံတော်။

လွတ်လပ်ခြင်း  ဆောင်းညရှည်တိမှာ
ရိုးရာအားကစား ကျင်ကွင်း၊ လှီပြိုင်ရာသီ
လူတန်းစိ စီးပွားရီး၊ ပညာရီး၊ လူမှုရီး၊ နိူင်ငံရီး ကမ္ဘာ့အမြုတေထဲဝင်ရေ
လောင်းရိပ်မိုး ဂုတ်သွီးစုပ် အာဏာရှင် မဟိ
ဟန်ဆောင်တိုင်းရင်းသား ဘင်္ဂလီကုလားတိ မဟိ
အမျိုးမှန်ရေ သဇင်ချစ်လူသားတိရာ ဟိရေ။

ယင်းကမ္ဘာသစ်ချေမှာ
ရက္ခဝဏ္ဏပန်းခင်းတိ ဟိုတစ်ခင်း ဒေတစ်ခင်း
မြင်လီရာရာ ဗုဒ္ဓဌာပနာ အဆူဆူ
ဇာတိမာန် အားခွန် သွီးသားတိလဲ
ပစ်ဖို့ ပျင်ထားရေ လေးဧကရာဇ်ရှင်တိပိုင်။

ယင်းကမ္ဘာသစ်ချေမှာ
မဟာပညာကျော် ဗိမ္မာန်တော် ဟိရေ
သျှင်ဦးမြဝါ အာရက္ခဌာန ဟိရေ
အဖိုးသျှင်ဦးဦးသာထွန်း အာဇာနည်သိပွံ ဟိရေ
ဒေါက်တာအေးကျော် အမျိုးသားတက္ကသိုလ် ဟိရေ
မျိုဆက်သစ်တိ စီတန်းညီညာလို့ 
သွီးတဖြဖြောင်းထ လှလိုက်တေ နိန်ရာ။

ကမ္ဘာကြီးထဲက ယင်းကမ္ဘာသစ်ချေ
ခေတ်လေးခေတ် (ဓညဝတီ၊ဝေသာလီ၊လေးမြို့ ၊မြောက်ဦး)
ခေတ်ဆိုးတစ်ခေတ် (ကိုလိုနီခေတ်)
ခေတ်သစ်ရာသီမှာ အစွမ်းကုန်တောက်ပ ထွန်းလင်း
ဝင်းပနိန်ရေ ရက္ခိုင့်လူ့ ဘောင်
အဖြူအနီ နောက်ခံနန့်  သီရိဝစ္စအလံတော် လီမှာဝှိ့ ယမ်း
ရိုးရာဝတ်စုံကို နှလုံးသားမှာ ဝတ်ဆင်ထားရေ လူသားတိနိန်ရာ
မဟာ ... မဟာ ... မဟာ အာရက္ခနိူင်ငံတော်
ကမ္ဘာတည်သရွိ တည်တံ့ပါစေသောဝ်။
                                       ခိုင်ရမ္မာ(၁၀.၀၄.၂၀၁၂)