Saturday 12 March 2011

မိမရ ဓညဝတီနိန့် ညများနန့် အတူ…၂


                                       ၂။
သင်္ဘောက သူ့ အရှိူန်နန့် သူ တရွိရွိပြီးနီရေ။ သင်္ဘောလားရေအရှိုန်ကြောင့် ပင်လယ်ကြော ပြင်ထက်မှာ သင်္ဘောခြီရာတိ ကြောင်းပနာ ပေါ်ကျန်ဟိလိုက်ကတ်တေ။ လှိုင်းချေတိက
လည်း ဗွက်တက် ဗွက်တက်ထလို့ ။ ယင်းသင်္ဘောခြီရာ လှိုင်းဗွက်ချေတိ နောက်မှာ
ကကြိုးစုံ ဇင်ယော်ငှက်ချေတိက အုပ်စုဖွဲ့ ပနာ လိုက်လာပျံသန်းလို့ ။ကောင်းကင်ပြာကြီး
ကလည်း နီရောင်မခို့ တရို့ နန့် ပင်လယ်ပြင်အလှကို အိနြေ္ဒရရပန်ဆင်ထားဗျာယ်။ ခရီး
စဗျာယ်။ ဝင်းမောင် သင်္ဘောလက်ရန်းကို မှိန်ပနာ အာရုဏ်ဦး ပင်လယ်ပြင်အလှတိကို  ခံစားနီမိရေ။ ပင်လယ်ပြင်စွာ ကြက်သရေဟိလိုက်တေကား…။ အခန်းထဲမှာက ခင်မောင်၊သာလှ နန့်  ညိုမှိုင်းရို့  ထိုင်ပနာ သံတွဲသားတိနန့် စကားပြောနီကတ်တေ ထင်ရေ။ တွေးယင်း သူငယ်ချင်းတိ အကြောင်းကို စိတ်က ရောက်လားမိရေ။ ညိုမှိုင်းက သူနန့် ငယ်သူငယ်ချင်း။ ခင်မောင်နန့် သာလှကတော့ သိစော်မကြာသိမ့်။ သူရို့  တိကလည်း နယ်နီးနားချင်းတိရာ။ အားလုံးက ဒေနှစ်ပထမနှစ်စတက်ကတ်ဖို့ ။ သူက ဥပဒေမေဂျာ၊ ညိုမှိုင်းက အင်္ဂလိပ်စာ၊ခင်မောင်က ဘူမိဗေဒ၊ သာလှက မြန်မာစာ။ အားလုံးက အသက်အရွယ်မတိမ်းမယိမ်းတိဂျေး။ ဘဝစွာ နံပတ်(၁) အစအနီနန့်  ရီခြားမြီခြားကို ရွက်လွှင့်တိုက်ပွဲဝင်နီဗျာယ်။ တွေးနီယင်း လှိုင်းဒဏ်ကြောင့်သင်္ဘော လားနှုန်းတိ ပြောင်းလားပနာ ယိမ်းထိုးခါ သိမ့်သိမ့် တုန် လားရေ။ အိန်း…. နောင်တော်ကြီး နောင်တော်ချေ နားကို ရောက်ဗျာယ်ထင်ရေ။
                         …………………………………………….
နီက စကေစကေ မှောင်လာဗျာယ်။ ဆည်းဆာရောင်နီနန့် ပင်လယ်ပြင် ကိုယ်သားထက်မှာ ဗျိုင်းအုပ်ဖြူ တိကလည်း ဟိုတစ်စု ဒေတစ်စု။ တိမ်ရောင်စုံတိကလည်း အာကာလီနှော့  တ့တော့မှာ ရုပ်ပုံမျိုးစုံ ဆီသားချယ်လို့ ။သဘာဝအလှတိက ဆန်းကြယ်နုရွှလွန်းပါရေ။
အေး…ယေလဲ မနုရွှ မလှပနိုင်စွာတိက သင်္ဘောထက်မှာ။ တဒုန်းဒုန်းနန့်  ခုတ်မောင်းနီရေ သင်္ဘောက အပြုံးမပျက် အမှောင်ထဲကိုတိုးဝင်လို့ ။ လျှပ်စစ်မီးရောင်မှိန်ပျပျမှာ လူတိက ဟိုနားတစ်စု ဒေနားတစ်စု့ ။သင်္ဘောလက်ရန်းနားမှာ၊ အိမ်သာဒေါင့်နားမှာ၊ သင်္ဘောနောက်ဖက်ပြင်မှာ… လူတိ လူတိ။ မကန် မကန်…မကန်ဆိုမှ မကန်။ ပြွတ်သိပ် ပိတ်ညုပ် နီရာယူလို့ ။ ခြီချစရာတောင် နီရာမဟိ။ ယင်းစော်မှာ ဝါကြီး ဝါကြီးမလည်းပါရေ။ အပျိုမချေ လည်းပါရေ။ နို့ စို့ ချေသားအမိလည်းပါရေ။ ယေတင်မက စစ်ယူနီဖောင်းနန့်  စစ်သားတိ တောင်ပါရေ။ အားလုံး ဝလုံးချသုတ် နီရာယူလို့ ။ ပဇောင်ပိုင် ယင်းသဘာဝအလှတိကို ခံစားနိုင်ကတ်ဖို့ လဲ။ ဝင်းမောင် မြင်ကွင်းထဲက ပြယုဂ်တိအားလုံးကို ဖယ်ခွာပနာ အခန်းထဲကို ဝင်လာခရေ။ လွန်း…အထဲမှာ ငါ့ကောင်တိ အားလုံးခြွီနီကတ်ဗျာယ်ကား။
                    ……………………………………………………
ယင်းပိုင်နန့် တစ်ညလုံး အိပ်စက်ခြင်းရာသီမှာ သောကတိလည်း အားလုံးသီဆုံး၊ သင်္ဘော
ကြီးလည်း ဇာကိုဦးတည်လို့ ဦးတည်နီမှန့်းမသိဗျာယ် ။ ည….ည...ည...။အိမ်မက်တိ လှိုင်း
သံနန့် ယိမ်းထိုးနီယင့်ဝေ။
                   ………………………………………………………...
ပယ်လယ်၊မြစ်၊ချောင်း……နိန့် ရက်၊ အချိန်နာရီ…ဆိုက်ကပ်ပခရေ မြို့ ရွာ ဆိပ်ကမ်းတိ။ ဝီးလို့့ မှုန်လို့  ဝါးလို့ ။ ဘေးက အစ်ကိုတစ်ယောက်က စစ်တွေမြို့ ကိုမြင်ရဗျာယ်လို့ ပြောမှ ထပနာ လှမ်းမျှော်ကြည့်မိလိုက်တေ။ ကျွန်းဆန်ဆန်မြီသားကုန်းမြီ ၊ တိုက်တာအိမ်ခေါင် မိုးတိ ဆိုက်ကပ်ထားရေ သင်္ဘော ဘုတ် ကြီးငယ်တိ၊ ထထိုးထထောင် အုန်းပင်စိမ်းစိမ်းတိ။ သံတွဲသားအစ်ကိုကြီးကဒေဖက်အစွန်ကစွာ ပွိုင့်လတ်။ သီးသန့် အငူချေဆန်ဆန် ကျွန်းလက်တက်ချေ ထက်ကမြင်းကွင်းတိ၊ မျှော်စင်လိုလို မီးပြတိုက်လိုလိုလည်းမြင်ရရေ။ အားလုံးက အထူးအဆန်းတိဂျေးရာ။ ရောက်ကားမရောက်ဖူး။ သင်္ဘောက လက်ယာရစ် ပတ်ပြီးကေ ဆိပ်ကမ်းထဲက တဖြည်းဖြည်းဝင်လာခရေ။ သင်္ဘောအရှိုန်ကလည်း သိသိသာသာ လျှော့ လားခရေ။ လူတိ အိမ်မြီ တိုက်တာတိ ပိုလို့ ပီပြင်လာရေ။ လူအားလုံး
လည်းနိုးထလန်းဆန်းလာဗျာယ်။ အထုပ်အပိုးကိုပြင်ဆင် ကမ်းကပ်ဖို့ လိုအပ်ချက်အတွက် ခရီးသည်အားလုံး လှုပ်လှုပ်ရွှရွှဖြစ်နီကတ်ဗျာယ်။ အချိန်က ညဇာသား ၄နာရီဝန်းကျင်… နီဖူးညိုစ ရောင်စုံရှူခင်း။
             …………………………………………………………………..
                                                      ခိုင်ရိန်ဇံ(13.3.2011)
                                                            အပိုင်း ၃ မျှော်….

Sunday 6 March 2011

မိမရ ဓညဝတီနိန့် ညများနန့် အတူ…

                                        ၁။
ဝင်းမောင်ချေ  ၁၀ တန်းအောင်ဗျာယ်။ အမှတ်ကတော့ အကတ်မကောင်း။ ၃၀၀ကျော်
ကျော်ချေရာ။ ဂျီတိစီရို့  ရီဆင်းစိုက်ပျိုးရေးရို့ တောင်မမိန်။ ဆရာဝန်ဆိုကေထားဖိ။ ကိစ္စ
မဟိ။ ရရေ။ ဝင်းမောင်ချေယလောက်မမှန်း။ နယ် အထကကျောင်းခွဲချေတစ်ခုက ကျူသျှင်
မဟိ။ ဆရာ မစုံတစ်စုံနန့် အခြေနေမှာ ယလောက်အမြင့်ကြီးတိကို မမှန်းထားမိခစော်ကို အပြစ်တစ်ခုလို့ပြောဖို့ ဆိုကေလဲပြောကတ်လီ။ မတတ်နိုင်ဗျာယ်။ ထားဖိယင်းချင့်ကို။ ဂု
ဆက်ပျင်ရဖို့ စော်က တက္ကသိုလ်တက်ဖို့ ကိစ္စ။ အိမ်တွင်းစီးပွားရေအခြေအနေကို ကြည့်ဖို့  ဆိုကေ ဝင်းမောင်ချေရို့ က စားနိုင်သောက်နိုင်။ နယ်မှာ လရတတ်အသိုင်းအဝန်းထဲမှာ
တောင်ထည့်လို့ ရရေ။ ဆွီမျိုးညာတကာတိလည်း တတောင့်တတင်းဟိကတ်တေ။ ဆိုခါ
ဝင်းမောင်ချေရို့မိဘတိက ဝင်းမောင်ချေဆန္ဒအရ တက္ကသိုလ်တက်ဖို့ အားပီးကတ်တေ။
မေဂျာကိုတော့ခါ့ ဝင်းမောင်ချေစိတ်ကြိုက်ရွီးခိုင်းကတ်တေ။ ဝင်းမောင်ချေရို့မှာ ရှိနီ ဘေးဘေ တစ်ယောက်ဟိရေ။ စကား တအားကောင်းပြီးကေ ဒေသအတွက် အားထား စရာ။ လူတိုင်းကလည်းလေးစား ယုံကြည်ကတ်တေ။အငယ်ချေခါကပင် ဝင်းမောင်ချေ သူ့ 
ဘေးဘေကို ကကောင်းအားကျခရေ။ ယင်းပိုင်နန့်  တက္ကသိုလ်တက်ဖို့ ဝင်ခွင့်ဖြည့်စော်မှာ
ဥပဒေမေဂျာကို ထိပ်ကထားပနာ တင်လိုက်တေ။ တက္ကသိုလ်ဝင်ခွင့်ကျလာရေခါ သူမျှော်
လင့်ထားရေ ဥပဒေ မေဂျာကျလာခရေ။ တက်ရဖို့ တက္ကသိုလ်က စစ်တွေတက္ကသိုလ်။ သူဝမ်းသာခရေ။ သူလည်းတနိန့် သူ့ ဘေးဘေပိုင် ဥပဒေပညာသျှင် ရှိနီတစ်ယောက် ဖြစ်လာရဖို့ ။ မျှော်လင့်ချက်တိနန့်  အားတက်ခပါရေ။
                           ……………………………………                                          
စစ်တွေ။ ရခိုင်ပြည်နယ်ရဲ့မြို့ တော်။ ရခိုင်ပြည်မြောက်ပိုင်းက အချက်အချာကျရေ မြို့ တစ် မြို့။သူတက္ကသိုလ်တက်ရဖို့ စော်က ယင်းမြို့ မှာ။ သူရို့ ဇာတိက မြန်မာနိုင်ငံရဲ့အကြီးဆုံး ကျွန်းတစ်ကျွန်း။ ရမ်းဗြဲ။ သူက ယင်းရမ်းဗြဲဒေသရဲ့ တစ်နီရာက ကျေးလက်သားစစစ် တစ် ယောက်။ ရခိုင်သားဖြစ်ကေလဲ သူရို့ဒေသသားတိက ယင်းဖက်ပိုင်းကို အကတ်မလေ့
ကတ်။ ရန်ကုန်တက်ရေလူတက်။ နိုင်ငံခြားထွက်တေလူထွက်နန့်  ယင်းပိုင်ရာ လားလေ့ဟိ
ကတ်တေ။ စစ်တွေ မြောက်ဦးဖက်ကိုဆိုကေ ရခိုင့်ဂန္ဓဝင်နယ်မြေဖြစ်ကေလည်း လားလေ့
လားထမဟိကတ်။ သူ့ မိဘ သူ့ ဖိုးဘောင် သူ့ ဖီးဖီရို့ လည်း ယင်းဖက်နယ်မြီတိကို မရောက်  ဖူးခကတ်။ သူလည်းယင်းဖက်ပိုင်းကိုလားရဖို့ စော်ကို ခ တာတာ။ ယေလဲ လား
ချင်စိတ်ကတော့ဟိနီမိရေ။ သူ့ ရို့ ဒေသခံဆရာမ တစ်ယောက်ကတော့ တစ်ခါ ပြောပြ ဖူးရေ။ ယင်းဖက်ပိုင်းသားတိက ရခိုင်မျိုးကိုချစ်ရာမှာ မုန်းဖို့ ကောင်းလောက်တေ ဆိုပြီး
ကေ။ သူရို့ တိဒေလောက်ပျင်ထားလို့ လဲ ရခိုင်ဆိုရေ ဂုဏ်ပုဒ်တစ်ခု မပျောက်မကွယ် ဟိနီခရေ လတ်။ အရာလည်းဆရာမ ပြောစော်တိမကန်။ ရခိုင်နန်းစစ်ရာမြို့ ။ မင်းဘာကြီး။ မာရာယု။ သျှင်မြဝါ။ မကန် မကန်။ ယေလဲ ယင်းချင့်တိ ဝင်းမောင်ဂေါင်းထဲ
ကို မဝင်ခ။ သတိထားရကောင်းမှန်း ၊မှတ်သားရကောင်းမှန်းမသိခ။ ယင်းပိုင်နန့်  သူစော်
လူငယ်ဘာဝ ဗမာအချစ်သခြင်းချေတိ ဆိုပနာ အူမြူးနီခရေ။ ၁၀တန်းတစ်နှစ်လုံး ပင်ပမ်းခသမျှ  သူရို့ဆယ်ကျော်သက်ချေတိအတွက် ဒေအချိန်စော် အလွတ်လပ်ဆုံး အချိန်မလားယေ။
                       ……………………………………………….
ဒီဇင်ဘာဝန်းကျင်။ တက္ကသိုလ်ကျောင်းတက်ဖို့ ဝင်းမောင်ရို့ စစ်တွေကိုလာခကတ်တေ။ ဒေသတူ သူငယ်ချင်း၃ယောက်နန့်  အထုပ်အပိုးကိုယ်စီ။ အနွီးထည်ကိုယ်စီ့။ ရမ်ဗြဲဆောင်းက အအီးဓာတ်တိကို ပပါးပပါး ဖြန့် ကြဲလို့ ။လူငယ်ဆိုရေဝိသေသမှာ သစ်လွင်မှုတိနန့် ထုံမွှန်း၊ ဘဝရဲ့  အလှပဆုံးလို့ ဆိုနိုင်ရေ မိုးထသားတစ်ခုမှာပ။ ဝင်း
မောင်ရို့ နယ်က ရမ်းဗြဲမြို့ နယ်ထဲမှာပါကေလဲ ကျောက်ဖြူနန့် ပိုပါးရေ။ ယင်းကြောင့်
ကျောက်ဖြူကတဆင့် ခရီးနှင်ဖို့  ကျောက်ဖြူကို အယင်လာခကတ်တေ။ ကားစီးခရီး
ပင်လယ်ပြင်ကမ်းစပ်အတိုင်း လီနုအီးတိက သူရို့ ဆံပင်တိကို လီမှာတလွင့်လွင့်ဖြစ်နီစီရေ။
ပင်လယ်ပြင်ရဲ့ မြူဆဆိုင်း ပြာလ့လဲ့ ရောင်စဉ်တိကလဲ သူရို့ လူငယ်တိကို ပိုပြီးကေ နုပျိုစီရေပိုင်။ ပိုပြီးကေ တက်ကြွစီရေပိုင်။  အတွေးတိက တနံတလျှား လမ်းခရီး တလျှာက်ပြန့် ကြဲလို့ ။
                  ……………………………………………………….
ကျောက်ဖြူစွာ သူရို့ ကို မွန်းတည့်ချိန်အလှတိနန့် ဆီကြိုနီရေ။ ပွိုင့်ကိုဖြတ် လာရေခါ  မြိူထဲကို ရောက်ဗျာယ်ဆိုရေ အသိနန့် အထုပ်အပိုးတိကို ယူဖို့ ကိုယ့်ကိုကိုယ် အသင့်ပျင်
ထားလိုက်တေ။ ကျောက်ဖြူရဲ့ မခို့ တရို့ လမ်းကြားတိထက်မှာ ပျိုဖြူတိကတော လူးလာ
ဆန်ခတ်လားနီကတ်တေ။ ဒေစော် ကျောက်ဖြူပညာရေးကောလိပ်နားထင်ယင့်။ ကားက
ဂိတ်ထဲကို အရက်မူးသမားတစ်ယောက်ပိုင် ဒယိမ်းဒယိုင် ပြီးဝင်လားရေ။ ကားပတ်ပတ်
လည်မှာ လူတိမကန်။ ကားစောင့်တေလူ ခရီးသည်စောင့်တေလူ ဆောင်းပါး စောင့်တေလူ။ လူ လူ လူတိ။ သူရို့ အုပ်စုလည်း ကိုယ့်အထုပ်အပိုးကိုကိုယ် နှနောင်း ကိုင်ပနာ ဆိုက်ကား ကိုယ်စီငှားယင်း ထွက်ချလာခကတ်တေ။ မြိုထဲက အမျိုးတစ်ယောက်
အိမ်မှာတည်းဖိုတော့အစက စိတ်ကူးဟိခကတ်တေ။ ယေလဲ လူကအားလုံး ၄ယောက်။
အိမ်သျှင်ကိုအားနာကောင်းထမန်း။ နီရဖို့ စော်လည်းဇာနှစ်ရက်နီရဖို့ မှန်းမသိ။ စစ်တွေသင်္ဘောက တစ်ပတ်မှာ ၃ရက်လောက်ရာဟိရေထင်ယင့်။ ဇာပိုင်ပင်ဆိုဆို ၂ရက်၃ရက်လောက်တော့ ကြာနိုင်သိမ့်ရေ။ ပြီးကေ လူတိကလည်း လလွတ်လလပ်နီ
ချင်ကတ်တေ။ အမျိုးတိအိမ်မှာဆိုကေ ကိုယ်စိတ်ကြိုက် လလွပ်လလပ်နီခွင့်ရချင်မှ ရဖို့ ။
ယင်းပိုင်နန့်  ရဲဘော်လေးယောက်အကြံညှိပနာ တည်းခိုခန်းတစ်ခုကို ခြီစကြာလှည့်လာ ခကတ်တေ။ ဆိုက်ကားသမားက သူနန့် ရင်းနှီးကျွမ်းဝင်ရေ တည်းခိုခန်းတစ်ခုကို မောင်းနှင် တွန်းပို့ နီရေထင်ယင့်။ ဝင်းမောင်ရို့ အုပ်စုမှာကား ကျောက်ဖြူမြို့ ရဲ့ အနုအရွတိ
ကြားမှာ မိန့် မောအီဆိမ့်ယင်း ပြောမဆုံးတောသုံးထောင်။
                              ……………………………………………
ကျောက်ဖြူမှာ သူရို့ တဒိုင် ၂ ရက်ကြာလခကတ်တေ။ သင်္ဘောစောင့်ယင်းနန့်  ကျောက်ဖြူရင်ခွင်ထဲက ခရီးတထောင့်နား ညတိပ။ နောက်တရက်မိုးထသား စစော
စစ်တွေခရီးအတွက်  ဝင်းမောင်ရို့ အုပ်စု သင်္ဘောဆိပ်ကိုထွက်လာခကတ်တေ။ ငလပွိ့ 
သင်္ဘောဆိပ်။ စီးတော်ယာဉ်က ဆိုက်ကား။ ဆိုက်ရောက်လာဖို့ စော်က အောင်တံခွန် ၄ သင်္ဘော။ အချိန်က မိုးထသားစစော။ လူငယ် ၄ယောက်။ မှုန်တိမှုန်မွှား နှင်းမြူငွိ့  တိကြားမှာ အာရုဏ်ဦးစော် အမှောင်စတိနန့်  ရောထွီးလို့ သိမ့်။ ပတ်ဝန်းကျင် အသံဗလံ တိကလည်း သူရို့ စိတ်တိကို လှုပ်ဆွနီသယောင်ယောင်။ မီးရောင်တိကလည်း လင်းလီလင်းလဲ့။ မြို့ ပြအငွိ့ အသက်နန့်  သူရို့ ရင်မှာ ပင်လယ်လှိုင်းတိ တစ်လုံးပြီးတစ်လုံး။ ငလပွိ့ သဘောဆိပ်မှာ သူရို့ တိ ခရိယာန်ဘာသာဝင်တိ ကယ်တင်သျှင်ကို စောင့်နီစော်ပိုင် ဦးလိုင်တမော့မော့ နန့် ။ အရာခရီးသည်တိလည်း  ကိုယ်စီကိုယ်စီ အသင့်ပျင်လို့  ။တိုက်ပွဲဝင် ရဲဘော်တိ တိုက်ပွဲအတွက် အသင့်ပျင်ထားကတ်တေ စတိုင်။ ယင်းမှာ သူရို့  အုပ်စုထဲက ခင်မောင် ဆိုရေ တစ်ကောင်က တစ်စခန်းထလာရေ။ အိမ်သာတက်ချင် ရေလတ်။ ဆိုးဆိုးဝါးဝါး အခြေအနေ။ သူ့ အတွက်ဟိုလူမီး ဒေလူမီးနန့်  အိမ်သာစုံစမ်း ကတ်ရရေ။ သင်္ဘောဆိပ်မှာ က အိမ်သာစော် သျှာပါးပစ္စည်းထင်ရေ။ နောက်ဆုံး ကံကောင်းထောက်မစွာ မလှမ်းမကမ်း က စီးပွားဖြစ် အိမ်သာတစ်ခုမှာ အဆင်ပြေလခရေ။ ခင်မောင်က ထီပေါက်တေ ကံထူးသျှင် ပုံစံမျိုးနန့်  ဝမ်းသာအားရ ခုန်ပေါက်ပနာ အိမ်သာထဲကို ဝင်လားခရေ။ ၅မိနစ်လောက်အ ကြာ ‘ပူ……..ပူ…….ပူ”နန့်  သင်္ဘော မှုတ်သံကြားလိုက်ရရေ။ ယင်းပိုင်နန့်  ခင်မောင်နန့် သူသင်္ဘောနားကို အပြီးအလွှား ပြန်လာခရရေ။ ခင်မောင်က မျက်နှာမသာမယာနန့်  ပစကလည်း ပွစိပွစိ ဇာပြောချင်ရေမသိ။ မတတ်နိုင်။
                            ………………………………………..
အောင်တံခွန် ၄ သင်္ဘောက ငလပွိ့ ဆိပ်ကမ်းကို လှိမ့်လိုလှိမ့်လို့ ဝင်လာဗျာယ်။ လူတိက လိုင်တမော့မော့နန့်  ကြည့်နီကတ်တေ။သူရို့ တိလည်း အထုတ်အပိုးတိကို သေသျှာ စိစစ်ပနာ အဆင်သင့်ပျင်ထားကတ်တေ။ သဘောင်္က ဒေမှာ ၁ နာရီလောက်တန့် ဖို့  သိမ့်ထင်ရေ။ ယေလဲနောက်ကျခံနီလို့ မရ။ ကြာကေ နီရာရလိုက်ဖို့ မဟုတ်။သူရို့ တိမှာက
လက်မှတ်ရာ တစ်ခုရသိမ့်ရေ။ဖြစ်နိုင်ကေ အခန်းချေဘာချေ ရနိုင်ဖို့ သိမ့်လား ကြိုးစား
ကြည့်ရဖို့ ။ စစ်တွေသင်္ဘောခရီးက မလွယ်။ တစ်ခါတစ်ခါ တစ်ရက်နန့် တောင်မရောက်
လို့ ကြားဖူးရေ။ ရာသီဥတုကောင်းကေ ကိစ္စမဟိ။ ရာသီဥတုဆိုးကေတော့ ခရီးက မသက် သာ။ သူရို့ တိ သင်္ဘောထက်ကို စစောစစီးတက်လာဖြစ်ခကတ်တေ။ အဆင်းခရီးသည်တိ ကလည်း ဆဆူညညံနန့်  ဆင်းနီကတ်တေ။ သင်္ဘောထက်မှာ သူရို့ စုံစမ်းယင်း စုံစမ်းယင်း ကံကောင်းထောက်မစွာ အခန်းတစ်ဝက် ရခကတ်တေ။ သံတွဲက လူတိ။ ကျောင်းသားတိရာ။ သူရို့ ပိုင် လူသစ်တိတော့မဟုတ်။ နှစ်ဟောင်းသမားတိထင်ရေ။
ဇာပိုင်ဆိုဆို သူရို့ အတွက် အေးဆေးကျလားရေမလားယေ။ အထုတ်အပိုးတိကို နီရာချယင်း အခန်းထဲမှာ ခြီပစ်လက်ပစ် ထိုင်ချပစ်လိုက်ကတ်တေ။ အိပ်လို့ တော့မရ။
ဆိမ်ကမ်းနားက ရီပြင်မှာလဲ လှိုင်းကြက်ခွပ်တိနန့်  အာရုဏ်ရောင်နီတိ ပျို့ အံလာဗျာယ်။ ဆောင်းမြူတိကလည်း စကေစကေ ပါး ပါးလာဗျာယ်။ ခရီသည်တိလည်း တစ်ယောက်ပြီးတစ်ယောက်တက်လာ စုံညီနီကတ်ဗျာယ်။ ဆဆူညညံ
စစည်ကကား သင်္ဘောတစ်စီးရဲ့ ခရီးတစ်ထောင့် လူငယ် ၄ယောက်ရဲ့ ပထမဆုံး ဘဝပင်လယ်ပြင်ခရီးအစ။ သင်္ဘောထွက်ဗျာယ်…….။   အပိုင်း ၂ ကို ဆက်ရန်….
==============================================
                                                                     ခိုင်ရိန်ဇံ (6.3.2011)